Tokante nos pograma

Bon bini na Djis Pa Bo Sa, kaminda inspirashon ta biba den mente di e mas imaginativo i innovativo

Historia

Djis pa bo sa ta un programa no-formal, inspirativo, edukativo kristian ku ta enfoká riba edukashon, hogar i salú ku e lema; Bo Bienestar ta nos prioridat!

Den tur konosementu ku un persona por tin, semper tin algu ku e no sa òf kisas nunka a mir’é den sierto ángulo. Tur dia un hende ta siña algu nobo i p’esei e nòmber Djis pa bo sa, pa djis laga bo sa algu ku kisas bo no tabata sa.

El a bai den aire pa promé biaha na TeleCuraçao 18 di novèmber 2021 presentá pa Renisca Mutueel huntu ku Madeline Sambo. Pa despues kontinuá den su bachi nobo presentá pa Renisca Mutueel.

Enfoke di e programa ta pa kontribuí na un mihó kalidat di bida pa kada persona ku sintonisá e programa, dor di amplia nan konosementu.

Mirando e desafionan di nos mundo ku ta afektando nos kada un di un manera òf otro, ta esensial pa nutri i fortalesé otro ku informashonnan edukativo ku ta inspirá i kontribuí na un mehor kalidat di bida mei mei di un mundu di turbulensia.

Bo no tin kòntròl riba e sirkunstansianan ku bo ta enfrentá diariamente, sinembargo, sí bo tin kòntròl pa mantené bo enfóke. Enfoká semper riba e solushon pa e situashon, pasombra bo ta demasiado balioso i presioso den Kristu pa permanesé den un bida di sufrimentu. Bo ta bal muchu mas ku bo ta imaginá i ta demasiado bendishoná pa ta di strès.

Ku tur esaki den mente nos ta hasi nos programannan, graba podcast, traha quote seminal i short video riba nos otro plataformanan sosial ku ta nos facebook, youtube, Instagram i tiktok pa kumpli asina ku nos obhetivo esta: kontribuí na kalidat di bida.

Nos ta ekipá ku e mihor ekiponan, nos ta invitá ekspertonan pa amplia riba e temanan i nos a expandé esaki di un forma ku un i tur por disfrutá dje. Tur esaki, manteniendo nos kompromiso ku outentisidat i kalidat.

Tur nos informashonnan ta deribá for di fuentenan konfiabel, inspirativo pa abo. Abo kerido siguidor fiel di nos programa ta motivá nos pa nos sigui mehorá.

Nos ta orguyoso di kon leu nos a yega i nos ta entusiasmá pa e futuro.

Nos kurason ta kontentu i agradesido.
Na promé lugá nos ta yama Dios danki pa e oportunidat brindá na nos ku E a habri portanan pa nos.
Tambe nos ta gradisí henter nos ekipo ku ta hasi tur kontenidonan posibel pa bo disfrutá di dje.
Na nos patrosinadónan un danki inmenso i tambe na abo kerido pueblo masha masha danki ku tur dia di nobo bo ta sostene nos.

Nos historia ahinda no ta kla. Djis pa bo sa, esaki ta djis e komienso !

120+

Episodionan publika

2

Aña di produkshon

1200+

Reseñanan di oudonan

75+

Huespednan invitá